учителя математики и физики

Учителя математики и физики

 Хазияхметова Рәйсә Ибраһим кызы 1932 нче елда Байлангар авылында туа.1953 нче елда Казан Дәүләт Укытучылар институтын тәмамлый.1957 нче елда Байлангар мәктәбендә математика укыта башлый.Байлангар авылы егете Нуриәхмәт белән тормыш корып җибәрәләр. Ике кыз һәм бер ул тәрбиләп үстерәләр. Өч баларына югары белем бирәләр. Уллары Илдус әнисе эшен дәвам итә,балаларны татарча көрәш ысулларына өйрәтә.Кызлары Диләрә Казан Дәүләт медицина институтын тәмамлады. Кызлары Эльмира сельхозхимиядә бухгалтер булып эшли. 1983 нче елда Рәйсә апа 31 укучыны ( 16 нчы чыгарылыш)олы тормыш юлына озата. 1985 нче елда лаеклы ялга чыга.

Мухлисова Мамдума Мухлисовна 1940 нчы елда Мамадыш районында туа. Казан Дәүләт Педагогия институтын тәмамлый.1968 нче елның 23 нче августында Байлангар урта мәктәбенә эшкә килә. 1983 нче елга кадәр Байлангар урта мәктәбендә физика укыта. 1973-1974, 1979-1980 нче елгы чыгарылыш класс укучыларын олы тормыш юлынаозата. Бер кыз тәрбияләп үстерә. Кызы Рәмзия Казан Дәүләт Медицина институтын тәмамлады. 

1966-1971 нче елларда математика укыта, Халык мәгарифе отличнигы, хезмәт ветераны

Учитель математики и физики

Назипова Дания Камал кызы 1968 нче елда Алабуга Дәүләт педагогия институтының физика-математика бүлеген тәмамлый. 1969 нчы елда Байлангар урта мәктәбендә математика укыта башлый. Үзенең эшләү дәверендә дүрт тапкыр – 1975 , 1982 , 1989 , 1997 нче елларда 11 нчы сыйныф укучыларын олы тормыш юлына озата. Хөкүмәтебез дә аның тырышлыгын олы бәяли.1992 нче елда "Мәгариф отличнигы” медале белән бүләкләнә. 29 ел гомерен балаларны укытуга, тәрбияләүгә багышлый ул . Шуның өстенә өч кызына да югары белем бирде. Бүгенге көндә Дания апа лаеклы ялда.

Абдуллина Әлфия Шакир кызы 1953 нче елның 25 нче августында Кукмара районы Каенсар авылында туа.1973 нче елдаАрча педагогия училищесын тәмамлый. 1975 нче елда Нормабаш авылы егетенә кияүгә чыгып Байлангар урта мәктәбенә математика укытырга килә.1979 нче елда Казан дәүләт педагогия институтының физика-математика бүлеген тәмамлый. Мәктәптә эшләү дәверендә ул үзен тырыш, тәлапчән, гадел укытучы итеп танытты.  12 нче, 18 нче, 25 нче , 33 нче чыгарылыш укучыларының сыйныф җитәкчеләре булды,аларны тәрбияләп олы тормыш юлына озатты.

Ахметзянов Азат Габделахатович 1962 нче елның 26 нчы февралендә  Кукмара районы Казаклар авылында туа. 1983 нче елда Казан Дәүләт Педагогия институтын тәмамлый. 1986 нчы елдан башлап 1993 нче елга кадәр Байлангар урта мәктәбендә физика, информатика фәннәрен укытты.

Ситдиков Минехат

1988-1989 гг. Учитель математики

Хисамиев Альфред Мөнавирович 1971 нче елның 13 нче ноябрендә Кукмара районы Нормабаш авылында туа. 1980-1989 нчы елларда Байлангар урта мәктәбендә белем ала.1994 нче елда Казан авыл хуҗалыгы институтының инженер-механиклар бүлеген тәмамлый. 1994 нче елдан башлап Байлангар урта мәктәбендә физика, информатика,сызым дәресләрен укыта.2002 нче елда Казан Дәүләт Педагогия университетының математика-информатика бүлеген читтән торып тәмамлады. Мәктәптә эшләү дәверендә Альфред үзен тырыш, таләпчән, гадел,сәләтле укытучы итеп танытты. Ул мактау грамоталары, дипломнар белән бүләкләнде. 2007 нче елда район башлыгының "Белем бирү өлкәсендә ирешкән уңышлары өчен”дигән грамота белән бүләкләнә. 2009 нчы елда”Ел укытучысы” конкурсында лауреат исеман алды. "Педагогик эшчәнлек мастеры” номинациясендә җиңүче булды.

Галиева Әнисә Нафыйк кызы 1967 нче елның 4 нче мартында Кукмара районының Аш-Буҗи авылында туа.1986 нчы елда Арча педагогия училищесын тәмамлаганнан соң Байлангар урта мәктәбенә башлангыч сыйныфлар укытучысы итеп билгеләнә. 1993 нче елда Казан дәүләт педагогия институтын тәмамлап математика укытучысы белгечлеге ала.1997 елдан башлап бүгенге көнгә кадәр мәктәптә математика укыта.